Mahalla bankirlari uchun korrupsiyaga qarshi kurashish bo‘yicha seminar-trening o’tkazildi

09.07.2025 12:17


O‘zsanoatqurilishbankning Toshkent shahridagi xizmatlar ofisida faoliyat yurituvchi mahalla bankirlari uchun korrupsiyaga qarshi kurashish bo’yicha seminar-trening tashkil etildi.

Tadbirda 40 ga yaqin ishtirokchi bankda qabul qilingan “Korrupsiyaga qarshi kurashish siyosati”, “Odob-axloq kodeksi”, “Manfaatlar to‘qnashuvini oldini olish siyosati” kabi ichki hujjatlar bilan tanishtirildi. Ish jarayonida korrupsiya va manfaatlar to'qnashuvi holatlariga yo'l qo'yilmasligi, odob-axloq kodeksi va ichki mehnat tartibi qoidalariga rioya qilgan holda faoliyat yuritish lozimligi yuzasidan ogohlantirish va eslatmalar berib o'tildi.

Shuningdek, sohadagi islohotlar va xalqaro tajribalar muhokama qilindi.
Mashg‘ulotlar davomida ishtirokchilar savol-javoblar asosida bilim va ko‘nikmalarini mustahkamlashdi.

                                                                                                                                                                                                                                    

                                                                                           

Bank axborot xizmati